„მეფეთ მეფე“ (The King of Kings) — არის ანიმაციური ფილმი, რომელიც უნიკალურად უპირისპირდება ტრადიციულ ქრისტიანულ თხრობას: ჩარლზ დიკენსი უყვება თავის პატარა შვილს, უოლტერს, იესოს ცხოვრებასა და მის  მნიშვნელობაზე. ამ გზით, ფილმი საშუალებას აძლევს ბავშვებს, უკეთ გაიაზრონ სახარების სიღრმე ოჯახური დრამისა და სიყვარულის ფონზე.

ფილმი იწყება დიკენსის ცნობილი ნამუშევრით — „A Christmas Carol“, სადაც სკრუჯი საკუთარ საფლავს უყურებს სასაფლაოზე. სცენა მოულოდნელად წყდება და მაყურებელი ვხედავთ ჩარლზ დიკენსს, რომელიც ლონდონში ასრულებს ამ სპექტაკლს აუდიტორიის წინაშე. მაგრამ უეცრად წარმოდგენას აფერხებს უოლტერის კატა. იწყება ქაოსი, რის შედეგადაც უოლტერი კულისებში არეულობას იწვევს და სპექტაკლს ჩაშლის.

დიკენსს შვილები სახლში მიჰყავს და მკაცრად ესაუბრება – ერთ-ერთ მათგანს –  უოლტერს. მისი ცოლი — კეტრინი, ურჩევს, უამბოს მათ ისტორია, რათა ბავშვმა გაიაზრონ თავიანთი საქციელი. დიკენსი იესოს ცხოვრების თხრობას იწყებს — მეფეთ მეფის შესახებ —  ეს არის ამბავი, რომელიც, მისი თქმით, ნაწილობრივ დაედო საფუძვლად მეფე არტურის ლეგენდასაც.

იესოს ისტორია დიკენსის თვალით

დიკენსის თხრობა ძალიან ახლოს დგას ბიბლიურ ტექსტებთან. ისტორია იწყება იესოს შობით, მოიცავს ანგელოზის მიერ მწყემსებისთვის ამბის შეტყობინებასა და მოგვთა მოსვლას. შემდეგ ვხედავთ ჰეროდეს ეჭვიანობას, რომელმაც ჩვილთა  დახოცვა ბრძანა. მარიამი, იოსები და იესო დროულად გარბიან ეგვიპტეში.

შემდეგ ისტორია გადადის 12 წლის იესოზე, როდესაც ის ტაძარში საუბრობს, რის შემდეგაც მოჰყვება ნათლისღება იოანე ნათლისმცემლის მიერ და სატანის ცდუნება უდაბნოში. დიკენსი ხაზს უსვამს პეტრესა და ანდრიას მოწოდებას და მოციქულთა შეკრებას.

ოჯახური ჩართულობა და ბიბლიური განათლება

თითოეულ ბიბლიურ ეპიზოდს შორის ვხედავთ დიკენსის ოჯახურ სცენებს, სადაც უოლტერი ხშირად ბავშური კითხვებითა და წარმოდგენებით გამოირჩევა. ერთ მომენტში ის ეკითხება, მოუწევს თუ არა იესოს დრაკონთან ბრძოლა, რაზეც დიკენსი მიუთითებს, რომ ეს არ არის ზღაპარი, არამედ ჭეშმარიტი ისტორია მეფეთ მეფეზე.

მნიშვნელოვანი ეპიზოდები მოიცავს მრუშობაში დადანაშაულებული ქალის ისტორიას, მთაზე ქადაგებას, პეტრეს წყალზე გავლას და ლაზარეს აღდგენას. სიუჟეტში ნელ-ნელა იზრდება ფარისევლებისა და სადუკევლების დაძაბულობა იესოს მიმართ, რაც იუდას მიერ მაცხოვრის გაცემით მთავრდება.

უკანასკნელი სერობა ემოციური კულმინაციაა, სადაც იესო მოციქულებს ფეხებს ბანს და ეუბნება, რომ ის მოსულია მსახურებისთვის და არა იმისთვის, რომ მას ემსახურონ. შემდეგ ის მიმართავს იუდას და ამბობს: „გააკეთე ის, რაც უნდა გააკეთო“.

ფილმის ბოლოს, დიკენსი თავის შვილს უხსნის, რატომ არის იესოს სიკვდილი და აღდგომა ყველაზე დიდი თავგანწირვა. სპეციალური ანიმაციური სცენა ადამისა და ევას ცოდვის შესახებ ხსნის ადამიანური დაცემის იდეას და იესოს როლს, როგორც ჩვენი ცოდვების მხსნელი.

საბოლოოდ, ფილმი სრულდება წმინდა წერილის ერთ-ერთი მნიშვნელოვანი  ციტატით — იოანეს სახარება 14თავის მე-6 მუხლი:

„მე ვარ გზა, ჭეშმარიტება და სიცოცხლე; ვერავინ მივა მამასთან, თუ არა ჩემით“.