იესოს იერუსალიმი

ყოველწლიურად ათასობით ადამიანი სტუმრობს იერუსალიმს იმ იმედით, რომ ნახავს ადგილებს, სადაც იესო მოღვაწეობდა, თუმცა, მისი აღდგომიდან ორი ათასწლეულის განმავლობაში ქალაქი მრავალჯერ დაინგრა და ხელახლა აშენდა. ექსპერტები მტკიცებულებებს იკვლევენ, რათა წარმოაჩინონ ქალაქი, რომელსაც იესო იცნობდა. ისინი აღადგენენ ჰეროდეს ტაძრის მთას – იმ დროის უდიდეს ხელთქმნილ ნაგებობას. აჩვენებენ, როგორ შეიქმნა წმინდა ადგილი, რომელიც “მზეზე თოვლიანი მთასავით ბრწყინავდა”. შეისწავლიან წყალმომარაგების სისტემას, რომელიც ქალაქს 300,000-მდე მომლოცველის მიღების საშუალებას აძლევდა და გაჰყვებიან ადგილებს სადაც იესო სასწაულებს ახდენდა. ახალი კვლევებისა და კომპიუტერული გრაფიკის დახმარებით, ფილმი გვაჩვენებს სამყაროს, რომელიც ოცი საუკუნის განმავლობაში დაფარული იყო.